Khudi Ka Sirr e Nihan, La Ilahaa Illa Allah Nazam | Allama Iqbal | Best Famous Peoms In English Translation.

 

خودی کا سرِ نہاں   لا الہٰ الا اللّٰہ

خودی ہے تیغِ فساں  لا الہٰ الا اللّٰہ

یہ دَور اپنے براہیم کی تلاش میں ہے

صنم کدہ ہے جہاں  لا الہٰ الا اللّٰہ

کیا ہے تو نے متاعِ غرور کا سودا

فریبِ سودوزیاں لا الہٰ الا اللّٰہ

یہ مال و دولت دنیا یہ رشتہ و پیوند

بُتانِ وَہم و گماں لا الہٰ الا اللّٰہ

خرد ہوئی ہے زمان و مکاں کی زناری

نہ ہے زماں نہ مکاں لا الہٰ الا اللّٰہ

یہ نغمہ فصلِ گل ولالہ کا نہیں پابند

بہار ہو کہ خزاں لا الہٰ الا اللّٰہ

اگرچہ بُت ہیں جماعت کی آستینوں میں

مجھے ہے حکم اذاں لا الہٰ الا اللّٰہ

FOR ENGLISH CLICK HERE